ఉపాధ్యాయ MLC ఎన్నికలకు సంబంధించి క్రింది సందేహాలకు సమాధానాలు
(అ) పదవీ విరమణ చెందిన ఉపాధ్యాయులు ఓటరు నమోదుకు అర్హులేనా?సమా: అవును. అయితే 1-11-2013 తర్వాత పదవీ విరమణ చెంది ఉండాలి. ఇటువంటి వారు తాము చివరిగా పనిచేసిన సంస్థ అధిపతి నుండి సర్టిఫికేట్ జతచేస్తే సరిపోతుంది
(ఆ) నల్లగొండ జిల్లాలో పనిచేస్తూ,హైదరాబాద్ జిల్లాలో నివాసం ఉన్న ఉపాధ్యాయుడు ఏ జిల్లాలో నమోదుకు అర్హుడు ?
సమా: ఉపాధ్యాయులు తమ నివాసం ప్రకారం నమోదు చేయించు కోవాలి. ఆ ప్రకారం హైదరాబాద్ జిల్లాలో నమోదుకు అర్హుడు
(చూడుడు Hand Book For Electoral Registration Officers లోని పేరా 20.1మరియు memo No: 3056/Elecs-E/A3/2016-1 Dtd: 29-9-2016 of CEO of AP & T, Hyderabad లోని పేరా xi)
(ఇ) కేంద్రీయ విద్యాలయాల్లో 8,9,10 తరగతులు భోధించని ఉపాధ్యాయులు ఓటరు నమోదుకు అర్హులేనా?
సమా: అవును అర్హులే.( Hand Book For Electoral Registration Officers లోని పేరా 37)
(ఈ) 1-11-2010 మరియు 01-11-2016 మధ్య రెండు ఉన్నత పాటశాలలలో పనిచేసిన ఉపాధ్యాయులు రెండు సర్వీసు సర్టిఫికేట్లు జతచేయాలా?
సమా: అవును రెండు ఉన్నత పాటశాలల నుండి విడి విడి సర్వీసు సర్టిఫికేట్లు జతచేయాలి ( చూడుడు Memo No: 3056/Elecs-E/A3/2016-1 Dtd: 29-9-2016 of CEO of AP & T, Hyderabad లోని పేరా xiv).
(ఉ) ఓటరు నమోదుకు అడ్రస్సు రుజువు ఏదైనా జతచేయాలా?
సమా : తప్పనిసరి గా జతచేయాల్సిన పత్రాల్లో అడ్రస్సు రుజువు పత్రం లేదు కానీ, జతచేస్తే మంచిది.
(ఊ) ఉపాధ్యాయులు పనిచేసే చోట నివాసం ఉండాలి కదా? ఇప్పడు వేరే చోట నివాసం ఉన్నట్లు చూపడం వల్ల, ఉత్తరోత్రా సమస్యలేమైనా వస్తాయా?
సమా: లేదు. ఇది అపోహ మాత్రమే. ఎందుకంటే సాదారణ ఎన్నికలలో (అసెంబ్లీ/పార్లమెంటు ), ఆదార్ కార్డు లో కూడా ప్రస్తుతం నివాసం ఉండే అడ్రస్సు ఇచ్చి ఉంటారు. ఇప్పటివరకు ఏ సమస్య రాలేదు కదా?
(ఋ) IIIT, పండిత ట్రైనింగు కళాశాల, ప్రభుత్వ మ్యూజిక్ మరియు డాన్సు స్కూళ్ళలో పనిచేసే ఉపాధ్యాయులు నమోదుకు అర్హులేనా?
సమా: అవును (వీటి స్థాయి సెకండరీ పాటశాల కంటే ఎక్కువ కనుక, చూడుడు (G.O Ms No: 537 GAD Dt: 28-9-2006)
(ఋ) ఓటర్ కార్డు (EPIC) లో అడ్రస్, ప్రస్తుత అడ్రస్ వేరే రకంగా ఉన్నది, ఏ అడ్రస్ ప్రకారం నమోదు చేయించాలి?
సమా: ఉండవచ్చు. EPIC కార్డు కేవలం ఫోటో link up చేయడానికే. ప్రస్తుత అడ్రస్ ప్రకారం నమోదు చేయించండి
